விபரப் பட்டியல்
பெண் தொழில்முயற்சியாளர்களுக்கான “அயோமி” கடன் திட்டமானது, இலங்கை முழுவதுமுள்ள பெண்களினால் தலைமை தாங்கி நடாத்தப்படும் நுண் வணிகங்கள் மற்றும் சிறு அளவிலான வணிகங்களை வலுப்படுத்துவதற்கான ஒரு மூலோபாய நிதிச் சேர்ப்புத் தயாரிப்பாக அறிமுகப்படுத்தப்பட்டுள்ளது. இத்தயாரிப்பானது, நிலையான தொழில்முயற்சி மற்றும் சமூக அபிவிருத்தி ஆகியவற்றை உறுதிப்படுத்தும் அதேவேளை, கட்டுப்படியாகும் நிதியுதவி மற்றும் மேம்பட்ட அணுகல் ஆகியவற்றை நோக்கமாகக் கொண்டுள்ளது.
இலக்குத் தொகுதி
பின்வரும் நிபந்தனைகளைப் பூர்த்தி செய்யும் வணிகங்கள் பெண்களினால் வழிநடத்தப்படும் வணிகமாகக் கருதப்படும்:
அ) 50% க்கும் அதிகமான உரிமையை பெண்கள் கொண்டிருத்தல். அல்லது
ஆ) பின்வரும் மூன்று அளவுகோல்களையும் பூர்த்தி செய்யும் வணிகங்கள்:
கட்டமைக்கப்பட்ட தொழில்முயற்சியாளர்கள் (Structured Entrepreneurs): செல்லுபடியாகும் வணிகப் பதிவு மற்றும் முறையான முகாமைத்துவப் பதிவுகளைக் கொண்டிருத்தல், நன்கு கட்டமைக்கப்பட்ட வணிகச் செயன்முறைகளுடன் இயங்குதல் மற்றும் அடிப்படை நிதி அறிக்கைகள் அல்லது நிதிப் பதிவுகளைப் பேணி வரும் பெண் தொழில்முயற்சியாளர்களாக இருத்தல்.
வீட்டினை அடிப்படையாகக் கொண்டு மிகச் சிறிய அளவில் இயங்கும் உத்தியோகபூர்வமற்ற தன்மை கொண்ட மற்றும் முறையான வணிகப் பதிவு இன்றி இயங்கும் பெண் தொழில்முயற்சியாளர்கள்.
கடன் தொகை
கடன் தொகை மற்றும் கடனுக்கான காலப்பகுதியின் அடிப்படையில் அங்கீகரிக்கப்பட்ட வட்டி விகிதக் கட்டமைப்பிற்கு அமைய வட்டி அறவிடப்படும்.
| கடன் தொகை (ரூ.) | மீள்செலுத்தற் கால எல்லை & வட்டி வீதம் (நிலையான 5 ஆண்டுகள்) | ||
| 1 வருடம் வரையில் | 2- 3 வருடங்கள் வரையில் | 3 – 5 வருடங்கள் வரையில் | |
| 10 இலட்சத்துக்குள் | 10% | 10.5% | 12% |
| 10 இலட்சத்துக்கு மேல் | 11% | 11.5% | 13% |
அதிகபட்சமாக 60 மாதங்கள் (சலுகைக்காலம் உட்பட).
சலுகைக்காலம்: 6 மாதங்கள் வரை (பணித் திட்டத்தின் தன்மைக்கேற்ப).
ஈட்டுறுதி (Collateral): அசையும்/அசையாச் சொத்துக்கள் அல்லது பிணையாளி.
வயதுத் தகைமை கடன் முதிர்வடையும் திகதியில் கடன்பெறுநரின் அதிகபட்ச வயது 65 ஆக இருத்தல் வேண்டும்.
பரிசீலனை மற்றும் வழங்கல்
பரிசீலனை நேரம்: ஆவணங்கள் முழுமையடைந்து 7 வேலை நாட்களுக்குள்.
கடன் வழங்கல்: விநியோகத்தர் அல்லது வாடிக்கையாளரின் கணக்கிற்கு நேரடியாக வரவு வைக்கப்படும்.
கோடிபதி (Kotipathi), திரிய (Diriya) அல்லது அபிமானி (Abhimani) சேமிப்புக் கணக்கினைத் திருப்திகரமான முறையில் பேணி வரும் விண்ணப்பதாரர்கள், தமது கடன் வசதிக்கு விதிக்கப்படும் நிலையான வட்டி வீதத்திலிருந்து 0.25% வட்டி குறைப்பினைப் பெறத் தகுதியுடையவர்களாவர். திருப்திகரமான கணக்கு என்பது பின்வருமாறு அமைய வேண்டும்:
“பொடிஹிட்டியோ” (Podihitiyo) சிறுவர் சேமிப்புக் கணக்கு:
அயோமி கடன்பெறுநரின் பிள்ளைகளுக்காக இக்கணக்குகள் ஆரம்பிக்கப்படும். இது குடும்பத்திற்குள் முற்கூட்டிய நிதி ஒழுங்குமுறைமையையும் எதிர்காலத்தை நோக்கிய சேமிப்பையும் ஊக்குவிக்கும்.
கிராமத்திலிருந்து வீட்டிற்கு” எனும் திட்டத்தில் பங்குபற்றுதல்:
தகுதியுள்ள பெண் தொழில்முயற்சியாளர்கள் “கிராமத்திலிருந்து வீட்டிற்கு” எனும் தளத்திற்கான அணுகலைப் பெறுவர். இதன் மூலம் கார்கில்ஸ் விற்பனை நிலையங்களில் தமது தயாரிப்புகளை நேரடியாக விளம்பரப்படுத்தவும், நீண்டகால வணிக அறிமுகத்தைப் பெறவும் முடியும்.
வணிக விபரம் பற்றிய விளம்பரம்:
வெற்றிகரமான கடன்பெறுநர்களை வங்கியின் இணையதளம் மற்றும் சமூக ஊடகங்களில் காட்சிப்படுத்துவதன் மூலம் அவர்களது வணிகங்களுக்கு இலவச சந்தைப்படுத்தல் மற்றும் நம்பகத்தன்மை வழங்கப்படும்.
5 நிதி அறிவு மற்றும் வணிகத் திறன் மேம்பாடு:
கணக்கேடு பேணல், நிதித் திட்டமிடல் மற்றும் டிஜிட்டல் வங்கி அறிவு ஆகியவற்றை மேம்படுத்த, விவசாய மற்றும் நுண் நிதிப் பிரிவின் ஊடாகத் தொடர்புடைய தரப்பினருடன் இணைந்து தொடர்ச்சியான பயிற்சித் திட்டங்கள் ஒழுங்கு செய்யப்படும்.
அயோமி” கடன் திட்டத்தின் கீழான அனைத்து விண்ணப்பங்களுக்கும் பொதுவான கட்டாய ஆவணங்கள் மற்றும் தயாரிப்பு சார்ந்த விசேட ஆவணங்கள் ஆகியவற்றுடன் இணைத்து சமர்ப்பிக்கப்பட வேண்டும்:
விண்ணப்பதாரருக்காக DTAP காப்புறுதி பெறப்பட்டு, அது கார்கில்ஸ் வங்கியின் பெயருக்கு மாற்றப்பட வேண்டும். வசதியை செயற்படுத்துவதற்குத் தேவையான ஏனைய அனைத்து ஆவணங்களும் நடைமுறையிலுள்ள கடன் கொள்கைகளுக்கு இணங்கப் பெறப்பட வேண்டும்.
கட்டமைக்கப்பட்ட தொழில்முயற்சியாளர்களுக்கு
